Digital Newspaper of Nepal
| Saturday, 22 September 2018
Subscribe Google+
Smart 4G

कृष्णबहादुर महरा प्रतिनिधिसभाको सभामुखमा निर्वारोध निर्वाचित

NIC Bank, Long AD

प्रधानमन्त्री ओलीले आइतबार विश्वासको मत लिने

March 10, 2018

काठमाडौं । माओवादी केन्द्रका सांसद कृष्णबहादुर महारा प्रतिनिधिसभाको सभामुख चयन भएका छन् ।
संसदको शनिबार बसेको बैठकले महरालाई सभामुखमा निर्वारोध निर्वाचित गरेको हो । महरालाई सभामुख बनाउन एमाले सांसद एवं पूर्वसभामुख सुवासचन्द्र नेम्वाङको प्रस्ताव गरेका थिए भने माओवादीका देव गुरुङले समर्थन गरेका थिए ।

साथै प्रमुख विपक्षी कांग्रेसका मिनेन्द्र रिजालले पनि महरालाई समर्थन गरेका छन् ।
प्रधानमन्त्री केपी शर्मा ओलीले आइतबार ३ बजे संसदमा विश्वासको मत लिने भएका छन्।

प्रधानमन्त्री ओलीले आइतबार विश्वासको मत लिने
आइतबार संसदको दुई बैठक बस्नेछन्। पहिलो बैठकमा प्रधानमन्त्रीलाई शुभकामना दिने कार्यक्रम राखिने छ। दोश्रो बैठकमा भने प्रधानम्नत्री केपी शर्मा ओलीको विश्वासको मत लिने प्रस्ताव निर्णयार्थ पेश हुनेछ।

एमाले अध्यक्ष केपी शर्मा ओलीलाई राष्ट्रपति विद्यादेवी भण्डारीले गत फागुन ३ गते प्रधानमन्त्रीमा नियुक्त गरेकी थिइन्। ओलीलाई नेकपा माओवादी केन्द्रले समर्थन गरेको छ।

प्रतिनिधिसभाको शनिबार बसेको बैठकमा बोल्दै प्रतिनिधिसभाका जेष्ठ सदस्य महन्थ ठाकुरले संविधानको धारा ७६ को उपधारा ४ बमोजिम आईतबार अपरान्ह बोलाइएको प्रतिनिधिसभा बैठकमा प्रधानमन्त्रीले विश्वासको मत लिने व्यवस्था गरिएको पनि स्मरण गराए।

संवैधानिक व्यवस्था अनुसार प्रधानमन्त्रीमा नियुक्त भएको ३० दिन भित्र प्रधानमन्त्रीले प्रतिनिधिसभाबाट विश्वासको मत लिनुपर्नेछ ।

सरकारमा सहभागि हुने घोषणा गरिसकेको संघीय समाजवादी फोरम नेपालले पनि समर्थन गर्ने घोषणा गरिसकेको छ। ओलीको पक्षमा आइतबार मत विभागज हुँदा दुई तिहाई पुग्ने अवस्था रहेको छ।

२ सय ७५ सदस्यीय संघीय संसदमा नेकपा एमालेको १ सय ५१, नेकपा माओवादी केन्द्रको ५३ र संघीय फोरमको १३ सांसद रहेका छन्।